"სევდალიზა", "ანათემა" და "არქაივი" - ფოტორეპორტაჟი Tbilisi Open Air-დან - Netgazeti • Tbilisi Open Air • Netgazeti.ge

“სევდალიზა”, “ანათემა” და “არქაივი” – ფოტორეპორტაჟი Tbilisi Open Air-დან

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

მუსიკალური ფესტივალი Tbilisi Open Air/Altervision 2017 გუშინ, 18 ივნისს დასრულდა. ფესტივალი სამი დღის განმავლობაში გრძელდებოდა და სტუმრებს 50-ზე მეტი ქართველი და უცხოელი შემსრულებლების მოსმენის საშუალება ჰქონდათ. ფესტივალის ფარგლებში თბილისში, ახალი იპოდრომის მიმდებარე ტერიტორიაზე საფესტივალო სივრცე რამდენიმე სცენით და განსხვავებული ზონებით მოეწყო.

16 ივნისს ფესტივალი ქართულმა ჯგუფმა “დაგდაგანმა” გახსნა. წლევანდელი Tbilisi Open Air-ის სტუმრებს შორის წარმოშობით ირანელი შემსრულებელი, სევდალიზა, ბრიტანული როკ-ჯგუფი “ანათემა”, ჯგუფი “ლენინგრადი” სანკტ-პეტერბურგიდან და საქართველოში მეორედ, ბრიტანული ჯგუფი “არქაივი” იყვნენ.

საფესტივალო სივრცე ქართველ შემსრულებლებსაც დაეთმო. წლევანდელ Tbilisi Open Air-ზე დაუკრეს “სოფთ ეჯექთმა” და “კუნგ ფუ ჯანქმა”. როგორც “კუნგ გუ ჯანქის” წევრები ამბობენ, გუშინ Tbilisi Open Air-ზე ჯგუფმა ამ სახელით ბოლოჯერ დაუკრა. ეს გადაწყვეტილება ჯგუფის ერთ-ერთი წევრის, თაზო ლიპარტელიანის გარდაცვალებას უკავშირდება.