ნეტგაზეთი | აფეთქება მანჩესტერის არენაზე – არის ათობით მსხვერპლი აფეთქება მანჩესტერის არენაზე – არის ათობით მსხვერპლი – Netgazeti
RU | GE  

აფეთქება მანჩესტერის არენაზე – არის ათობით მსხვერპლი

გაერთიანებულ სამეფოში, მანჩესტერის არენაზე კონცერტის დროს აფეთქება მოხდა, რასაც ადამიანების სიცოცხლე ემსხვერპლა.

BBC-ის ცნობით, დაიღუპა 22, მათ შორის ბავშვები, და დაშავდა 56 ადამიანი. ასევე BBC იუწყება,  რომ აფეთქება ადგილობრივი დროით 22:35 საათზე მოხდა, როდესაც არენაზე მომღერალ არიანა გრანდის კონცერტი მიმდინარეობდა.

პოლიცია აცხადებს, რომ ტერორისტი იყო ერთი ადამიანი, რომელმაც სახლის პირობებში დამზადებული ნაღმი აამოქმედა.

გაერთიანებული სამეფოს პრემიერმინისტრმა ტერეზა მეიმ განაცხადა, რომ მომხდარი, სავარაუდოდ, ტერორისტული აქტია. მეიმ თავისი წინასაარჩევნო კამპანია დროებით შეაჩერა და მთავრობის საგანგებო სხდომა დანიშნა.

 

სოციალურ ქსელ “თვითერზე” ვრცელდება რამდენიმე ადამიანის ფოტო, რომლებსაც ეძებენ. “თვითერზე” ასევე გავრცელდა ვიდეომიმართვა, სადაც აცხადებენ, რომ აფეთქება “ისლამურმა სახელმწიფომ” მოაწყო, თუმცა აღნიშნული ინფორმაცია არ არის დადასტურებული.

ნეტგაზეთის მასალების სხვა გამოცემებში გადაბეჭდვის წესი
ავტორი
მიშა მეფარიშვილი არის ნეტგაზეთის რეპორტიორი 2010 წლიდან. აშუქებს კულტურის პოლიტიკის, ადამიანის უფლებების საკითხებს და სხვა მიმდინარე თემებს. Email: mishameparishvili@gmail.com