ბოლნისის მუნიციპალიტეტის დაბა თამარისში გუშინ ღამით ქალი მოკლეს. როგორც დაბა თამარისში ბოლნისის გამგებლის წარმომადგენელმა, ალი გურბანოვმა “ნეტგაზეთს” უთხრა – მკვლელობაში ბრალდებული გარდაცვლილი ქალის ქმარია.
საქართველოს შინაგან საქმეთა სამინისტროს ინფორმაციით, პოლიციამ ბრალდებული ცხელ კვალზე დააკავა. გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
