შესაბამისი საქმე 29 იანვარს მცხეთის რაიონულ სასამართლოში იქნა განხილული.
“საქმის მასალებით და მხარეთა ახსნა-განმარტებების საფუძველზე, სასამართლომ საჯარო მოსამსახურე ლალი მაროშკინას მიერ მოსამართლესთან 2013 წლის 24 იანვარს, 23.31 საათზე განხორციელებული სატელეფონო საუბარი (რომელიც შეეხებოდა კონკრეტული პირების მიმართ ამნისტიის აქტის დაჩქარებით განხორციელების მითითებას) ცნო მოსამართლეთან კომუნიკაციის წესის დამრღვევად და, შესაბამისად, საჯარო მოსამსახურე ლალი მოროშკინა დააჯარიმა 2500 ლარით, აქვე სასამართლომ ჯარიმის თანხის განსაზღვრისას გაითვალისწინა ლალი მაროშკინას მიერ ჩადენილი ქმედების აღიარება”, – ნათქვამია პრეს-რელიზში, რომელსაც უზენაესი სასამართლო ავრცელებს.