საქართველოს მოფარიკავეთა ახალგაზრდული ნაკრები ევროპის ჩემპიონია

საქართველოს ხმლით მოფარიკავეთა ნაკრებმა 23-წლამდელთა შორის ევროპის ჩემპიონატზე პირველი ადგილი დაიკავა. მათ ფინალში იტალიის ნაკრები ანგარიშით 45:36, ხოლო ნახევარფინალში რუსეთის ნაკრები 45:41 დაამარცხეს.

სპორტის სამინისტროს ინფორმაციით, მსგავსი გამარჯვება საქართველოს ახალგაზრდულმა ნაკრებმა ისტორიაში პირველად მოიპოვა. ნაკრების წევრები არიან მიხეილ მარდალეიშვილი, საბა სულამანიძე, ნიკა შენგელია და ვაჟა რეჭია.

ევროპის ჩემპიონატი ბელარუსის დედაქალაქში, მინსკში იმართება.

ნეტგაზეთის მასალების სხვა გამოცემებში გადაბეჭდვის წესი
ავტორი