ლე პენმა “ეროვნული ფრონტის” პრეზიდენტის თანამდებობა დატოვა

საფრანგეთის პრეზიდენტობის ულტრამემარჯვენე კანდიდატი მარი ლე პენი პარტიის “ეროვნული ფრონტი” ლიდერი აღარაა. 

“ამ საღამოს გადავწყვიტე, “ეროვნული ფრონტის” პრეზიდენტის თანამდებობა დავტოვო. ამგვარად, პარტიულ ინტერესებზე მაღლა ვიქნები”, – განაცხადა ლე პენმა “France 2”-თან საუბრისას.

საპრეზიდენტო არჩევნების პირველი ტურის შედეგების მიხედვით, რომელიც 23 აპრილს გაიმართა, ემანუელ მაკრონმა ხმების 23,8%, ხოლო ლე პენმა 21.7% მიიღო. საფრანგეთის პრეზიდენტის ვინაობა 7 მაისს, არჩევნები მეორე ტურში გაირკვევა.

ლე პენს არ დაუკონკრეტებია, მისი გადადგომა ხანმოკლეა თუ მუდმივი. მარი ლე პენი იმიგრაციის მკაცრი შემცირების, თავისუფალი ვაჭრობის შეწყვეტის, ევროპასთან საფრაგეთის ურთიერთობის შეკვეცის მომხრეა.

ნეტგაზეთის მასალების სხვა გამოცემებში გადაბეჭდვის წესი
ავტორი
ელენე ხაჭაპურიძე არის ნეტგაზეთის რეპორტიორი 2011 წლიდან. აშუქებს პოლიტიკის, განათლების, ჯანდაცვის, ადამიანის უფლებებს და მიმდინარე მოვლენებს. e-mail ellen.khachapuridze@gmail.com