ტოკიოში საკურა ყვავის [ფოტორეპორტაჟი]

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

იაპონიის დედაქალაქ ტოკიოში საკურა, ანუ იაპონური ალუბალი ყვავის. ალუბლის ხეების ყვავილობა იაპონიაში ღირსშესანიშნავი მოვლენაა და უამრავი ტურისტის ყურადღებას იზიდავს.

საკურა დეკორატიული ალუბლის ხეების ყვავილობას ნიშნავს, ის იაპონური კულტურისა და იაპონიის სიმბოლოა.

ალუბლების ყვავილობისას ადამიანები ხშირად იკრიბებიან, სხდებიან ხეების ქვეშ. თან მიაქვთ საკვები, სასმელები და ზოგჯერ ისმის მუსიკაც. ასეთ ადგილებზე, საიდანაც შეგიძლია, ალუბლის ხეების მკრთალ ვარდისფერ ყვავილებს უყურო, ტოკიოში დიდი მოთხოვნაა.

ალუბლების ყვავილობა იაპონიაში ძირითადად მარტის ბოლოს იწყება და აპრილის შუა რიცხვებში მთავრდება, თუმცა, შეიძლება, მაისამდეც გაგრძელდეს.

იაპონიაში საკურასთვის განსაკუთრებით ემზადებიან. არსებობს რუკებიც, რომლებზეც დატანილია პროგნოზები, თუ ქვეყნის რომელ ნაწილში რა დროს უნდა ველოდოთ ალუბლების აყვავებას.

ფოტორეპორტაჟი, თუ როგორ გამოიყურება ტოკიო საკურას დროს, მომზადებულია ევროპის პრესფოტოსააგენტოს (EPA) ფოტოების მიხედვით.