დედაქალაქის ქუჩებსა და პარკებში უფასო ელექტრონული წიგნები „საბასგან“ უკვე ხელმისაწვდომია

3 აპრილი, 2017 • რეკლამა • 22027

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

პროექტის „ქალაქი ბიბლიოთეკა“ განხორციელება დაიწყო – დედაქალაქის 20 ქუჩასა და 6 პარკში უფასო ელექტრონული წიგნები „საბასგან“ უკვე ხელმისაწვდომია.

ფოტო: ირაკლი შალამბერიძე, 1/04,2017, თბილისი, საქართველო

უკვე შესაძლებელია უფასო წიგნების ჩამოტვირთვა ვაჟა-ფშაველას, რუსთაველის, ჭავჭავაძის გამზირებზე, გიორგი ლეონიძის, ივანე მაჩაბლის, გალაკტიონ ტაბიძის ქუჩებზე, სულ 20 ქუჩაზე ქალაქის მასშტაბით, რომლებსაც მალე კიდევ 30 მწერლის სახელობის ქუჩა დაემატება.

ამ ქუჩებზე დამონტაჟებულ ქუჩის მანიშნებლებზე დატანილი QR კოდების საშუალებით შესაძლებელი იქნება ჩამოტვირთოთ იმ მწერლის ლიტერატურა, რომლის სახელობის ქუჩაზეც დგახართ.

ფოტო: ირაკლი შალამბერიძე, 1/04,2017, თბილისი, საქართველო

მრავალფეროვანი ბიბლიოთეკა იქნება ასევე უფასოდ ხელმისაწვდომი ქალაქის ბაღებსა და სკვერებში. უკვე დამოტაჟდა „საბას“ ელექტრონული ბიბლიოთეკები დედა ენის ბაღში, რიყის პარკში, გეგეშიძის ბაღში, მზიურსა და ჯანო კახიძის პარკში. პარკებში დამოტაჟებულ სტენდებზე „საბა“ მრავალფეროვან ლიტერატურულ არჩევანს გთავაზობთ.

სოციალურ-საგანმანათლებლო პროექტს „ქალაქი ბიბლიოთეკა“ ელექტრონული წიგნების სახლი „საბა“, თბილისის მერიასთან და პრეზიდენტის ფონდთან ერთად, ახორციელებს. სულ პროექტის ფარგლებში 300-მდე სტენდი დაიდგმება. „ქალაქი – ბიბლიოთეკა“ თბილისის ერთგვარი ლიტერატურული გზამკვლევი გახდება, რომელიც დედაქალაქს „ღია ცის ქვეშ ბიბლიოთეკად“ აქცევს. გარდა ამისა, ეს პროექტი ასობით ელექტრონული წიგნს უფასოდ ხელმიწვდომს გახდის ნებისმიერი მსურველისთვის.

ფოტო: ირაკლი შალამბერიძე, 1/04,2017, თბილისი, საქართველო

ჩამოტვირთვის პროცედურა მარტივია. ტელეფონის QR კოდთან მიახლოებით წიგნი თქვენს სმარტფონში გადმოინაცვლებს და მის წაკითხვას აპლიკაცია SABA READER-ის საშუალებით ნებისმიერ ადგილზე და სიტუაციაში შეძლებთ.

ფოტო: ირაკლი შალამბერიძე, 1/04,2017, თბილისი, საქართველო

გარდა მწერლების სახელობის ქუჩებისა, ელექტრონული ბიბლიოთეკები თბილისის 12 პარკში დაიდგმება. ქუჩების და პარკების შემდეგ კი, ელექტრონული წიგნები თბილისის მეტროპოლიტენშიც შეაღწევს – ელექტრონული ბიბლიოთეკის სტენდების დადგმა მეტროს ყველა სადგურზეა დაგეგმილი.