ბოლო კვირის განმავლობაში აფხაზეთის დე ფაქტო რესპუბლიკაში ორი მაღალჩინოსნის ავტომობილი აფეთქდა. უზენაესი სასამართლოს მოსამართლის, თემურ შონიას ავტომობილის აფეთქების შესახებ ინფორმაცია 21 მარტს, გვიან ღამით აფხაზმა პროკურორმა რუსლან ტირკბამ გაავრცელა.
როგორც ირკვევა, მოსამართლის მანქანის აფეთქება უზენაესი სასამართლოს შენობის ახლოს მოხდა, მისი მეპატრონე კი იმ დროს სამსახურში იმყოფებოდა. აფეთქების მიზეზი გამოძიებული ჯერ არ არის.
რამდენიმე დღის წინ სოხუმში დეპუტატობის კანდიდატის, ბატალ აიბას ავტომობილიც აფეთქდა. აღნიშნულ ფაქტთან დაკავშირებით დე ფაქტო რესპუბლიკის პროკურატურა ორ ვერსიას განიხილავდა, მათ შორის, განზრახ აფეთქებას.
დაახლოებით ერთი წლის წინ, 2016 წლის აპრილის დასაწყისში, სოხუმში დეპუტატ ალმაზ ჯაპუას მანქანაც აფეთქდა.
ფოტო: sputnik
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")