ხათუნა თეზერაშვილი განცხადებით, მოკლული მისი მეგობარია და იგი ეკლესიაში გაიცნო. მისივე განცხადებით, მოკლული სოსო ჩიქობავაა:

“ამ ეკლესიის მრევლი იყო, ახლობლობდა დედაოსთან, მანქანით მიყავდა ხოლმე, წინა მთავრობის დროს მუშაობდა საგადასახადოში და მოხსნეს, ახალ მთავრობას სიხარულით ელოდებოდა, ამბობდა ახალ თანამდებობას მთავაზობენო, გამიგია, რომ ბინის საკითხზე იყო დავა, მაგრამ ზუსტად არ ვიცი”– განაცხადა ხათუნა თეზერაშვილმა. 

თვითმხილველი ვალერი ამბობს, რომ მან 6 გასროლის ხმა გაიგონა და ასევე დაინახა მკვლელი, რომელიც აუღელვებელი ნაბიჯებით წავიდა დანაშაული ჩადენის ადგილიდან. 

ადგილზე მუშაობდნენ კრიმინალისტები, ამჟამად დაკითხვაზე, ეკლესიის დედაო იმყოფება. 

შეგახსენებთ, რომ გუშინ 24 ნოემბერს, თბილისში ზაზაშვილის ქუჩაზე კიდევ ერთი მკვლელობა მოხდა, გარდაცვლილი საღამოს, დაახლოებით შვიდ საათზე თვითმხილველებმა აღმოაჩინეს საკუთარ მანქანაში.  მოკლული 43 წლის ავთანდილ ადუაშვილია, რომელიც ხუდადოვის ქუჩაზე რამდენიმე ობიექტს ფლობდა.