მსოფლიო მემკვიდრეობის ცენტრი თბილისში აღმოსავლეთის, სამხრეთ-აღმოსავლეთისა და ცენტრალური ევროპის ქვეყნებისთვის სამუშაო შეხვედრას გამართავს, რომელიც მიზნად ისახავს, მსოფლიო კულტურული მემკვიდრეობის კონვენციის შესრულებისთვის, UNESCO-ს პერიოდული ანგარიშების მომზადებაში UNESCO-ს წევრ ქვეყნებს დახმარება გაუწიოს.
UNESCO-ს სამუშაო შეხვედრაში მონაწილეობას 19 ქვეყნის 21 წარმომადგენელი მიიღებს, ღონისძიებას UNESCO-ს, ICOMOS-ის (ძეგლებისა და ღირსშესანიშნავი ადგილების საერთაშორისო საბჭო), ICCROM-ისა (კულტურული მემკვიდრეობის კვლევის, დაცვისა და რესტავრაციის საერთაშირსო ცენტრი) და IUCN-ის (ბუნების დაცვის საერთშორისო კავშირი) აღმასრულებელი პირები და წამყვანი ექპსერტები წარუძღვებიან.
სამუშაო შეხვერდები 14-15 ნოემბერს საქართველოს პარლამენტის ეროვნულ ბიბლიოთეკაში 09:30 საათზე გაიმართება.
ღონისძიება ხორციელდება საქართველოს კულტურული მემკვიდრეობის ეროვნული სააგენტოს მიერ საქართველოს საგარეო საქმეთა სამინისტროს იუნესკოს საქმეთა ეროვნულ კომისიასთან თანამშრომლობით.