ნეტგაზეთი | ეგვიპტეში ახალ პაპს ირჩევენ ეგვიპტეში ახალ პაპს ირჩევენ – Netgazeti

ეგვიპტეში ახალ პაპს ირჩევენ

ეგვიპტის კოპტური მართლმადიდებელი ეკლესია ახალ პაპს ირჩევს. დღეს სამი კანდიდატიდან ერთ–ერთი პაპი გახდება: ეპისკოპოსი რაფაელი, 54 წლის; ეპისკოპოსი ტავადროსი, 60 წლის და 70 წლის ბერი რაფაელ ავა მინა. 

ამ სამიდან ერთ–ერთი ეგვიპტის პაპს, შენუდა III–ს შეცვლის. იგი კოპტურ ეკლესიას სათავეში 40 წლის მანძილზე ედგა და 2012 წლის მარტში გარდაიცვალა.

 

ეგვიპტელი მართლმადიდებლები ერთ–ერთი უდიდესი რელიგიური უმცირესობაა ქვეყანაში. კოპტური ეკლესია დაახლოებით 11 მილიონ მორწმუნეს აერთიანებს, რაც ქვეყნის მოსახლეობის დაახლოებით 10%–ია.
ეკლესიის მრევლი ბოლო პერიოდში შეშფოთებას გამოთქვამს, რადგან, ბიბისის თქმით, იზრდება მათზე თავდასხმების რაოდენობა. ისინი აცხადებენ, რომ ეშინიათ ქვეყნის ახალი ლიდერების.

 

ეგვიპტელი მართლმადიდებლები ამბობენ, რომ ახალი პაპის არჩევას ღმერთს ანდობენ. რაც იმაში გამოიხატება, რომ თვალახვეული ბიჭი სამი ფურცლიდან ერთ–ერთს ამოიღებს. ფურცლები ერთი და იმავე ზომისაა და ერთსა და იმავენაირად დაწერილია სამი კანდიდატის სახელი.

ცერემონია პირდაპირ ეთერში გადაიცემა კაიროში მდებარე კოპტური კათედრალიდან.

ნეტგაზეთის მასალების სხვა გამოცემებში გადაბეჭდვის წესი
Maya Metskhvarishvili