„7 წელი ვიმუშავე მერიაში და შესაძლებლობები ამოვწურე, ახლა ახალმა კადრმა სცადოს. სხვა არანაირი მოტივი არ ყოფილა, ახლა საჯარო მოხელე აღარ ვარ და ერთი კვირით დამასვენეთ. მომავალის გეგმები ჯერ არ მაქვს“, -აცხადებს გელა მახარაძე, რომელმაც კაბინეტიდან საკუთარი ნივთები უკვე გამოიტანა და ამჟამად სახლში იმყოფება.
ბათუმის მერიის ადმინისტრაციის ახალი უფროსი ლევან ვარშალომიძის მთავრობის აპარატის იურიდიული დეპარტამენტის ყოფილი ხელმძღვანელი ნუკრი დეკანაძეა.
“უმუშევარი ვიყავი და სანამ რამეს ვიპოვი, შემოთავაზებაზე უარი არ ვთქვი”, – განაცხადა ნუკრი დეკანაძემ, რომელმაც წინა თანამდბობა რამდენიმე დღის წინ დატოვა.
დეკანაძე ამბობს, რომ აჭარის მთავრობაში ახალი ხელმძღვანელობის მოსვლის შემდეგ სამსახურის დატოვების რეკომენდაცია მიიღო.
„გვითხრეს, იქნებ მოგვცეთ საშუალება, რომ აპარატი ჩვენი კადრებით დავაკომპლექტოთო და არც მე წავსულვარ წინააღმდეგი“, – ამბობს ნუკრი დეკანაძე, რომელიც საქმიანობას ახალ თანამდებობაზე უკვე შეუდგა.
