“ხელისუფლებისთვის იბრძვიან ძალები, რომლებიც არ გაჩერდებიან და მზად არიან, საკუთარ ამბიციებს თანამემამულეების ცხოვრება შესწირონ. მათი ჭეშმარიტი ინტერესები და მადა ყოველდღიურად გამოჩნდება. ალექსანდრ ანქვაბისთვის თანამდებობა, მათ შორის საპრეზიდენტო, არ წარმოადგენს უმაღლეს ღირებულებას. დღეს, საზოგადოების წარმომადგენლებთან, ამომრჩევლებთან, თანაგუნდელებთან მრავალრიცხოვანი კონსულტაციების შემდეგ, ჩემ მიერ საბოლოო გადაყვეტილება იყო მიღებული. ის არ პასუხობს მოქალაქეების დიდი ნაწილის განწყობებს. ამის მიუხედავად, შექმნილი გარემოებების გამო ეს გადაყვეტილება ერთდადერთ სწორ გზად მიმაჩნია. მოვუწოდებ ყველას სიმშვიდისკენ, სამოქალაქო მშვიდობის შენარჩუნებისკენ, ახალი არჩევნების ჩატარებას ნორმალურ გარემოში,”- წერდა ანქვაბი.

აფხაზეთის დე ფაქტო რესპუბლიკის  პარლამენტმა 2014 წლის 29 მაისს პრემიერ-მინისტრ ლეონიდ ლაკერბაიას უნდობლობა გამოუცხადა, პრეზიდენტ ალექსანდრ ანქვაბს კი შესთავაზა, საკუთარი ნებით დატოვოს პოსტი.

აღნიშულ მოვლენებს წინ უძღოდა აქციები სოხუმში, რომელიც 2014 წლის 27 მაისს დაიწყო. ოპოზიციის წარმომადგენლები და აქციის მონაწილეები ქვეყანაში არსებული პრობლემების გამო პრეზიდენტისა და მთავრობის გადადგომას ითხოვდნენ.