მერაბიშვილმა ენმ-ის გენმდივნის პოსტი დატოვა

ვანო მერაბიშვილმა ერთიანი ნაციონალური მოძრაობის გენერალური მდივნის თანამდებობა დატოვა. ენმ-ის პრესსამსახურის ინფორმაციით, ამის შესახებ დღეს გახდა ცნობილი მერაბიშვილისა და ნიკა მელიას შეხვედრის შემდეგ, რომელიც ე.წ. მატროსოვის ციხეში შედგა.

ენმ-ის პრესსამსახურში ამბობენ, რომ მერაბიშვილმა დააფიქსირა პოზიცია იმის თაობაზე, რომ მას აღარ სურს გენერალური მდივნობა. დარჩება თუ არა ყოფილი შინაგან საქმეთა მინისტრი ენმ-ში, პარტიაში ამაზე ინფორმაციას არ ფლობენ და აცხადებენ, რომ ამის თაობაზე ის თვითნ აცნობებს საზოგადოებას.

ვანო მერაბიშვილი 2012 წლიდან იკავებს ნაციონალური მოძრაობის გენერალური მდივნის თანამდებობას.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com