ნეტგაზეთი | ხაშურის №3 უბანზე არჩევნები გელაშვილმა მოიგო ხაშურის №3 უბანზე არჩევნები გელაშვილმა მოიგო – Netgazeti

ხაშურის №3 უბანზე არჩევნები გელაშვილმა მოიგო

ხაშურის საარჩევნო ოლქის №3 უბანზე კოალიცია “ქართული ოცნების” მაჟორიტარმა კანდიდატმა ვალერი გელაშვილმა 434 ხმა მიიღო. არჩევნებში კი ამ უბანზე, ჯამში, 469–მა ამომრჩეველმა მისცა ხმა.

სხვა კანდიდატებზე ხმები ასე გადანაწილდა: 18 ხმა ერგო “ერთიანი ნაციონალური მოძრაობის” კანდიდატს, 3 ხმა – “თავისუფალი საქართველოს” კანდიდატს, 4 ხმა “ქრისტიან-დემოკრატიული მოძრაობის” კანდიდატს, 1 ხმა – “ახალი მემარჯვენეების” კანდიდატს, 9 ბიულეტინი ჩაითვალა ბათილად.

 

ხაშურის №3 უბანზე 1 ოქტომბერს ჩატარებული არჩევნების შედეგები მას შემდეგ გაუქმდა, რაც იქ სპეცრაზმი შეიჭრა, ცრემლსადენი გაზი გამოიყენა და საარჩევნო ყუთი გაიტაცა.

 

გუშინ, 13 ოქტომბერს “ნაციონალური მოძრაობის” მაჟორიტარმა კანდიდატმა საკუთარი კანდიდატურის მოხსნის შესახებ განაცხადა და ამის მიზეზად ვალერი გელაშვილის მხრიდან ზეწოლა დაასახელა.

ნეტგაზეთის მასალების სხვა გამოცემებში გადაბეჭდვის წესი
ნინო კახიშვილი