“ჩვენ ძალიან ყურადღებით განვიხილავთ ყველა რეკომენდაციას და შემოთავაზებას, რომელიც მისაღები იქნება საზოგადოებისთვის, ჩვენთვის ძალიან მნიშვნელოვანია სამოქალაქო საზოგადოების რეკომენდაციები”, – განაცხადა დავით უსუფაშვილმა ბიძინა ივანიშვილთან შეხვედრის შემდეგ.
საქართველოს სახალხო დამცველის პოზიციაზე იურისტ თამარ გურჩიანის კანდიდატურა სხვადასხვა ორგანიზაციებმა და გაერთიანებებმა ოფიციალურად დღეს წარმოადგინეს. სხვადასხვა საინიციატივო ჯგუფები სახალხო დამცველის პოზიციაზე ასევე მოიაზრებენ ადვოკატებს – ლია მუხაშავრიას და გელა ნიკოლაიშვილს.