წარმოგიდგენთ 5 დეკემბერს გასამართ ღონისძიებათა ანონსს:

11:00 საქართველოს საინვესტიციო სააგენტოს დირექტორის მოვალეობის შემსრულებელი თამარლილუაშვილი, სან დიეგოს სახელმწიფო უნივერსიტეტის დეკანი საქართველოში კენ უოლში და ათასწლეულის გამოწვევისფონდის აღმასრულებელი დირექტორი მაგდა მაღრაძე ურთიერთთანამშრომლობის მემორანდუმს მოაწერენ ხელს. ხელმოწერის ცერემონია გაიმართება საქართველოს საინვესტიციო სააგენტოში, მისამართზე: ბამბის რიგის 7, მეორე სართული, თბილისი.

12:00 საქართველოს პარლამენტის თავმჯდომარის, ირაკლი კობახიძის შეხვედრა დიდი ბრიტანეთის პარლამენტის საქართველოს საკითხებზე პარტიათაშორისი საპარლამენტო ჯგუფის (მეგობრობის ჯგუფის) წევრებთან. პარლამენტი, თბილისი, თავმჯდომარის სათათბირო ოთახი (B კორპუსი, II სართული).

12:00 სახალხო დამცველი უჩა ნანუაშვილი ადამიანის უფლებათა დაცვის კვირეულის ფარგლებში გორის სახელმწიფო უნივერსიტეტში საჯარო ლექციას გამართავს.

12:40 საქართველოს პარლამენტის თავმჯდომარის, ირაკლი კობახიძისა და დიდი ბრიტანეთის პარლამენტის საქართველოს საკითხებზე პარტიათაშორისი საპარლამენტო ჯგუფის (მეგობრობის ჯგუფის) წევრების განცხადება პრესისთვის. პარლამენტის შენობა, თბილისი.

13:00 საპარლამენტო უმრავლესობის წარმომადგენლების შეხვედრა დიდი ბრიტანეთის პარლამენტის საქართველოს საკითხებზე პარტიათაშორისი საპარლამენტო ჯგუფის (მეგობრობის ჯგუფის) წევრებთან. პარლამენტი, თბილისი, საგარეო ურთიერთობათა კომიტეტის თავმჯდომარის სათათბირო ოთახი (C კორპუსი, ოთახი 420).