ევროპარლმენტმა და ევროსაბჭომ სავიზო რეჟიმის შეჩერების მექანიზმის შესახებ შეთანხმებას ვერც დღეს გამართულ სხდომაზე მიაღწიეს. სავარაუდოდ, ამ საკითხზე მომავალ კვირას განმეორებით იმსჯელებენ.
No deal today between EP and council on visa suspension mechanism. More talks likely next week. #Ukraine #Georgia #Kosovo
— Rikard Jozwiak (@RikardJozwiak) November 29, 2016
შეჩერების მექანიზმის შემუშავების შემდეგ საქართველოსათვის, უკრაინისა და კოსოვოსათვის ვიზის ლიბერალიზაციის საკითხი დადგება დღის წესრიგში.
საზოგადოებრივი მაუწყებლის პირველ არხთან საუბარში ევროკომისარი გაფართოებისა და სამეზობლო პოლიტიკის ურთიერთობის საკითხებში იოჰანეს ჰანი იმედოვნებს, რომ საქართველოს სავიზო ლიბერალიზაციის საკითხზე პარლამენტი და ევროპული საბჭო დროებითი შეჩერების მექანიზმზე შეთანხმებას შობამდე შეძლებს. ჰანი აცხადებს, რომ შესაძლოა ვიზის ლიბერალიზაციასთან დაკავშირებით საბოლოოდ პარლამენტში კენჭისყრა თებერვალში ან მარტში შედგეს.
