კვირიკაშვილი საქართველოს მთავრობის ახალ შემადგენლობას 22 ნოემბერს წარადგენს

საქართველოს მთავრობის ადმინისტრაციის ცნობით, 22 ნოემბერს, 14:00 საათზე საქართველოს პრემიერმინისტრის მოვალეობის შემსრულებელი, გიორგი კვირიკაშვილი მინისტრთა კაბინეტის მომავალ წევრებს წარადგენს.

საქართველოს მთავრობას მოვალეობის შესრულება, საქართველოს პრეზიდენტის განკარგულების შესაბამისად, 2016 წლის 18 ნოემბრიდან დაეკისრა, რაც განაპირობა საქართველოში ჩატარებულმა საპარლამენტო არჩევნებმა. პარლამენტის პირველი სხდომა 2016 წლის 18 ნოემბერს ჩატარდა.

საქართველოს პარლამენტმა, სავარაუდოდ, ამ კვირაში უნდა განიხილოს საქართველოს მთავრობის ახალი შემადგენლობის დამტკიცების საკითხი.

ნეტგაზეთის მასალების სხვა გამოცემებში გადაბეჭდვის წესი
ავტორი
მიშა მეფარიშვილი არის ნეტგაზეთის რეპორტიორი 2010 წლიდან. აშუქებს კულტურის პოლიტიკის, ადამიანის უფლებების საკითხებს და სხვა მიმდინარე თემებს. Email: mishameparishvili@gmail.com