ახალი ამბები

ალასანია ამბობს, რომ საჯარო სამსახურში მუშაობის გაგრძელებას არ აპირებს

18 ოქტომბერი, 2016 • 1339
ალასანია ამბობს, რომ საჯარო სამსახურში მუშაობის გაგრძელებას არ აპირებს

თავისუფალი დემოკრატების ყოფილი ლიდერი ირაკლი ალასანია ამბობს, რომ პოლიტიკიდან წასვლის შემდეგ საჯარო სამსახურში რაიმე თანამდებობაზე მუშაობას არ აპირებს. ამის შესახებ ალასანიამ რუსთავი 2-ის გადაცემა არჩევანში განაცხადა.

“მე არ ვაპირებ საჯარო სამსახურში არანაირ თანამდებობაზე მუშაობის გაგრძელებას. მე მაქვს ჩაფიქრებული, რომ ვაკეთო მნიშვნელოვანი, საინტერესო საქმე, მაგრამ არა სახელმწიფო სექტორში”, – თქვა ალასანიამ.

რაც შეეხება პარტიის სხვა ლიდერებს, რომლებმაც თავისუფალი დემოკრატები დატოვეეს, ალასანია ამბობს:

“რაც შეეხება სხვებს, როდესაც დადგება მომენტი, მათ ჰკითხეთ. ყველა თავისუფალია საკუთარ არჩევანში’, – განაცხადა ალასანიამ.

ალასანიას თქმით, მთავარი მიზანი იქნება “კაბელების საქმეზე” დაკავებული “პოლიტპატიმრების ციხიდან გამოხსნა”.

მასალების გადაბეჭდვის წესი