ვარდების რევოლუციის მოედანზე ერთიანი ნაციონალური მოძრაობის წინასაარჩევნო შემაჯამებელი აქცია მიმდინარეობს.
აქცია დაანონსებულზე ერთი საათის დაგვიანებით, 17:00 საათზე დაიწყო. ის გახსნა რეპერ ლექსსენის ახალმა სიმღერამ, რომელიც შეეხება არჩევნებს და საარჩევნოდ მოქალაქეობრივი ვალის მოხდის აუცილებლობას.
სიმღერის პრემიერის შემდეგ სცენაზე მიკროფონი გადაიბარა ენმ-ს ლიდერმა, სიის პირველმა ნომერმა დავით ბაქრაძემ.
ერთიანი ნაციონალური მოძრაობის აქციაში მონაწილეობას იღებენ არა მხოლოდ თბილისის, არამედ რეგიონებიდან ჩამოსული მოსახლეობა, რომლებიც მხარს უჭერენ ყოფილ სახელისუფლებო გუნდს.
ენმ-ს აქცია ვარდების რევოლუციის მოედანზე, 5.10.2016. ფოტო: ლუკა პერტაია/ნეტგაზეთი
ენმ-ს აქცია ვარდების რევოლუციის მოედანზე, 5.10.2016. ფოტო: ლუკა პერტაია/ნეტგაზეთი
