დღეს, 2 სექტემბერს, თბილისის მერიასთან გამართული აქცია “მე ვარ თბილისი” აუქციონის გამართვისა და ცოცხალი მუსიკის კონცერტის შემდეგ დასრულდა.

აქცია, რომელსაც ორგანიზება გაუწია “პარტიანულმა მებაღეობამ”, აუქციონით დაიწყო, სადაც გაიყიდა წინა აქციაზე შექმნილი ნახატები და პლაკატები, ასევე, მაისური წარწერით “მაიმუნი ვირიშვილი.”

აუქციონის დასრულების შემდეგ აქციის მონაწილეებს რამდენიმე გამომსვლელმა სიტყვით მიმართა, ხოლო შემდეგ ცოცხალი მუსიკის კონცერტი  გაიმართა, რომელზეც გამოვიდნენ Young Mic, Fula, ქსელი56 SFX.