ბათუმის იუსტიციის სახლში კონტროლის პალატის თანამშრომლები დილიდან კითხავენ “ქართული ოცნების” აქტვისტებს.
13 მარტს კონტროლის პალატამ ძირითადად რესპუბლიკური პარტიის წევრები დაკითხა, დღეს დაკითხვაზე დაბარებულთაგან უმრავლესობა კი “თავისუფალი დემოკრატების” წევრები არიან.
დღეს ბათუმში დაკიტხვაზე სულ 8 პირია დაბარებული – ძირითადად ახალგაზრდები, რომლებიც ბიძინა ივანიშვილის მოქალაქეობის აღდგენის საკითხზე ხელმოწერებს აგროვებდნენ.
დაკითხვა ახალგაზრდა იურისტთა ასოციაციაციის ადვოკატების თანდასწრებით მიმდინარეობს. უკვე დაკიტხულები აცხადებენ, რომ მათ კითხვები დაუსვეს შემოსავლებზე, ვინ სადაა დასაქმებული ოჯახის წევრებიდან და ასე შემდეგ.
კონტროლის პალატამ გუშინ მოქალაწეების საყოველთაო დაკითხვა დაიწყო საქართველოს სხვადასხვა რაიონში.
