ახალი ამბები

უკრაინაში ჟურნალისტი პაველ შერემეტი მანქანის აფეთქების შედეგად დაიღუპა

20 ივლისი, 2016 • 1305
უკრაინაში ჟურნალისტი პაველ შერემეტი მანქანის აფეთქების შედეგად დაიღუპა

ოთხშაბათს დილით “უკრაინსკაია პრავდას” ხელმძღვანელის, ალიონა პრიტულის კუთვნილი მანქანის აფეთქების შედეგად ჟურნალისტი პაველ შერემეტი დაიღუპა. თავად პრიტული მანქანაში არ იმყოფებოდა აფეთქების მომენტში.

“უკრაინსკაია პრავდას” ცნობით, ერთ-ერთმა თვითმხილველმა განაცხადა, რომ აფეთქება მოხდა დილით, კიევის დროით 7.45 საათზე.

პოლიციამ საქმე უკვე დააკვალიფიცირა განზრახ მკვლელობის მუხლით.

შერემტი ბოლო ხუთი წლის მანძილზე ცხოვრობდა კიევში, მუშაობდა “უკრაინსკაია პრავდაში”, იყო რადიო “ვესტის” ყოფილი წამყვანი.

პაველ შერემეტი, ფოტო: უკრაინსკაია პრავდა

პაველ შერემეტი, ფოტო: უკრაინსკაია პრავდა

მასალების გადაბეჭდვის წესი