ევროკავშირის საბჭოში საქართველოსათვის ვიზის ლიბერალიზაციის მინიჭების საკითხზე  ევროკავშირის წევრი ქვეყნების საგარეო საქმეთა მინისტრები 20 ივნისს კიდევ ერთხელ იმსჯელებენ. ამის შესახებ დღეს საბჭოში გამართულ სხდომაზე განაცხადეს.

მანამდე, 15 ივნისს კიდევ ერთხელ შეიკრიბება ევროკავშირის მუდმივ წარმომადგენელთა კომიტეტი [კორეპერი].

ევროკავშირის წევრი ქვეყნების შინაგან საქმეთა მინისტრებმა საბჭოს 10 ივნისს გამართულ სხდომაზე ვერ მიაღწიეს შეთანხმებას საქართველოსთვის უვიზო რეჟიმის მინიჭების თაობაზე.

“ბევრი ქვეყანა ფიქრობს, რომ საქართველო აკმაყოფილებს მოთხოვნებს [უვიზო რეჟიმის მისანიჭებლად], ქვეყნების მცირე რაოდენობა კი, არა”, -განაცხადა სხდომის შემდეგ გამართულ პრესკონფერენციაზე კლაას დაიჰოფმა, ნიდერლანდების სახელმწიფო მდივანმა უსაფრთხოებისა და იუსტიციის საკითხებში.

კლაას დაიჰოფი, ნიდერლანდების სახელმწიფო მდივანი უსაფრთხოებისა და იუსტიციის საკითხებში, ფოტო: ევროკავშირი

ევროკავშირის საბჭომ დღეს სავიზო რეჟიმის  ლიბერალიზაციის საკითხი განიხილა საქართველოს, უკრაინის, თურქეთისა და კოსოვოსთან დაკავშირებით, 20 ივნისს კი საქართველოსთვის უვიზო რეჟიმის საკითხს მინისტრთა საბჭო ცალკე განიხილავს.

თუმცა რადიო “თავისუფლების” ჟურნალისტი, რომელიც საქართველოსთვის უვიზო რეჟიმის მინიჭების საკითხებს მუდმივად აშუქებს, არც 20 ივნისს ელის “გარღვევას”.

visa lib for #Georgia will be debated again by EU ambs on 15 Jun & EU foreign mins 20 June. I don’t expect a breakthrough at these meetings — Rikard Jozwiak (@RikardJozwiak) June 10, 2016

პრესკონფერენცია ინგლისურ ენაზე: