„ვისოლ ჯგუფმა“ ბავშვთა დაცვის საერთაშორისო დღისადმი მიძღვნილი კვირეული ვაკეში, ჭავჭავაძის გამზირ #36-ა–ში მდებარე „ვენდის“ ამერიკულ რესტორანში ორგანიზაცია “გენი ქართულის” ბენეფიციარ მრავალშვილინი ოჯახების ბავშვებისთვის ინფოტურით დაიწყო.  

მრავალშვილიანი ოჯახების ბავშვებს შესაძლებლობა ჰქონდათ, დაეთვალიერებინათ „ვენდის“ სამზარეულო და გაცნობოდნენ, როგორი მაღალი სტანდარტებით ხდება „ვენდის“ უგემრიელესი მენიუს მომზადება. დამატებით, მათ გართობაზე იზრუნეს„ვენდის“ გოგონებმა და სახეზე მოხატვით, ხელის გულებზე ფერადი საღებავებით ანაბეჭდების დადებით, ცარცით ეზოს მოხატვით და საკვირაო სკოლა „რებუსთან“ ერთად გასართობ–შემეცნებითი აქტივობებით, ბავშვებს „ვენდიში“ დაუვიწყარი დროის გატარების შესაძლებლობა მიეცათ.  

ორგანიზაცია “გენი ქართული” საქართველოში მრავალშვილიანი ოჯახების რიცხვის მატებასა და საზოგადოებრივი აზრის ამ კუთხით ფორმირებას ემსახურება, რითაც დემოგრაფიული პრობლემის გადაჭრას უწყობს ხელს.

ბავშვთა დაცვის საერთაშორისო დღისადმი მიძღვნილი კვირეულის ფარგლებში „ვისოლ ჯგუფი“ შემდეგ ღონისძიებებს გეგმავს:

1. 30 მაისს USAID/G-PriEd საქართველოს დაწყებითი განათლების პროექტი და „ვისოლ ჯგუფი“ ხელს მოაწერენ ურთიერთანამშრომლობის მემორანდუმს, რომლის საფუძველზეც  „ვისოლ ჯგუფის“ წარმომადგენელები მოხალისეებად ჩაერთვებიან დაწყებითი კლასების ბავშვებში ბიზნესის უნარ-ჩვევების განვითარების პროგრამაში.
2. 1 ივნისს „ვისოლ ჯგუფის’ ყველა შვილობილი კომპანიის ობიექტზე მოსულ ბავშვებს განსაკუთრებული გარემო ელით.
3. 4 ივნისს  „სმარტის“ სუპერმარკეტისა და „დანკინ დონატსის“ წყნეთის ობიექტზე ზაფხულის სეზონის გახსნა იგეგმება, სადაც ბავშვებს და მშობლებს უამრავი გასართობ-შემეცნებითი ღონისძიება ელოდებათ.  
4. 10 ივნისს „ვისოლ ჯგუფს“ გამართავს საქველმოქმედო აქციას “რაიდმედის“ დასახმარებლად. “რაიდმედს” გახლავთ ცენტრი, სადაც “რაიდთერაპიას” გადიან ცერებრული დამბლის, აუტიზმის, დაუნის სინდრომის, სქოლიოზის და სხვა თანდაყოლილი ჯანმრთელობის პრობლემების მქონე ბავშვები. ბავშვათა რეაბილიტაცია ხდება ცხენებზე ჯირითის დახმარებით.