შინაგან საქმეთა სამინისტროს ცნობით, სამცხე-ჯავახეთში მცხოვრებმა ხუთმა მოქალაქემ ცეცხლსასროლი იარაღი და დიდი ოდენობით საბრძოლო მასალა პოლიციას ნებაყოფლობით ჩააბარა.

ამავე უწყების ცნობით, სულ ჩაბარებულია:

სხვადასხვა ტიპის ცეცხლსასროლი იარაღისთვის განკუთვნილი 4113 საბრძოლო ვაზნა;

3 კილო და 700 გრამი ტროტილი;

75 ხელყუმბარა;

6 გადაჭრილი თოფი;

1 თვითნაკეთი პისტოლეტი;

1 თვითნაკეთი ავტომატური ცეცხლსასროლი იარაღი;

8 ქვეითსაწინააღმდეგო ჭურვი;

5 მჭიდი;

39 ამფეთქი ფალია;

7 ტანკსაწინააღმდეგო ნაღმი;

17 საკვამლე კოჭა;

8 ფეთქებადი ჭურვი და 3 სასიგნალო რაკეტა.
შსს არ ავრცელებს ინფორმაციას, კონკრეტულად როდის ჩააბარეს ეს იარაღი მოქალაქეებმა და საიდან ჰქონდათ, ან რა მიზნით.

“აღნიშნული პირები, საქართველოს სისხლის სამართლის საპროცესო კოდექსის 105-ე მუხლის 1-ლი ნაწილის „ლ“ ქვეპუნქტის შესაბამისად, სისხლისსამართლებრივი პასუხისმგებლობიდან თავისუფლდებიან”, – ნათქვამია შსს-ს მიერ 28 მაისს გავრცელებულ პრესრელიზში.