თბილისში, სპორტის სასახლესთან, სადაც მალე პარტია “ქართული ოცნების” ყრილობა უნდა დაუწყო, აქციას მართავენ მოქალაქეები, რომლებიც თავს “ცენტრ-პოინტისგან ” დაზარალებულებად მიიჩნევენ.
ისინი მთავრობას “ცენტრ-პოინტის” მფარველობაში ადანაშულებენ და კომპანიის ვახტანგ რჩეულიშვილის და რუსუდან კერვალიშვილის დაკავებას მოითხოვენ.
“რომელიმე დეპუტატი მაინც მოვიდეს, ბოდიში მაინც მიგვიხადოს. ჩვენ ორი ხელისუფლების მოტყუებული ხალხი ვართ. 6200 ოჯახი ქუჩაში დაგვტოვეს,” – აცხადებს აქციის მინაწილე ნარგული ქემოკლიძე.
აქციის მონაწილეებთან პარლამენტის წევრი “ქართული ოცნებიდან” სოსო ჯაჭვლიანი მივიდა და აქციის მონაწილეებს ხვალ შეხვედრას დაპირდა.
უკვე მრავალი წელია მოქალაქეების ნაწილი საპროტესტო აქციებს მართავს “ცენტრ-პოინტის” წინააღმდეგ. ისინი კომპანიას თაღლითობაში ადანაშაულებენ. მათმა ნაწილმა სარჩელით სასამართლოს მიმართა.