საქართველოს ფინანსთა სამინისტროს საგამოძიებო სამსახურის ცნობით, ყალბი 20-ლარიანების გასაღების ბრალდებით მოქალაქე მ.გ. დააკავეს.
უწყება აცხადებს, რომ ბრალდებული საქართველოს ტერიტორიაზე სისტემატურად ასაღებდა ყალბ 20-ლარიან კუპიურებს, ჩხრეკისას კი 76 ერთეული 20-ლარიანი ყალბი კუპიურა აღმოაჩნდა, რაც 1520 ლარს შეადგენს.
საგამოძიებო სამსახურის ინფორმაციით, გამოძიება მიმდინარეობს საქართველოს სისხლის სამართლის კოდექსის 212-ე მუხლის პირველი ნაწილით, რაც გულიხსმობს ყალბი ფულის დამზადებას, შეძენას, შენახვას გასაღების მიზნით ან გასაღებას და სასჯელის სახით ითვალისწინებს თავისუფლების აღკვეთას 4-დან 7 წლამდე ვადით.
