ახალი ამბები | , , ,

BBC: ავღანეთში საწვავის ავზთან შეჯახების შედეგად 73 ადამიანი დაიღუპა

9 მაისი, 2016 | | 2064
BBC: ავღანეთში საწვავის ავზთან შეჯახების შედეგად 73 ადამიანი დაიღუპა

BBC-ის ინფორმაციით, ავღანეთში, ღაზნის პროვინციაში, მთავარ გზაზე ორი ავტობუსი და საწვავის ავზი აფეთქდა, რასაც 73 ადამიანის სიცოცხლე შეწირა.

ბრიტანული გამოცემა იუწყება, რომ შემთხვევის შედეგად 50-ზე მეტი დაშავებული ღაზნის პროვინიციის საავადმყოფოში გადაიყვანეს. მათი ინფორმაციით, ავტობუსებში სულ 125 მგზავრი იყო.

BBC-ის ცნობით, აფეთქების შედეგად, ავღანეთის დედაქალაქ კაბულთან დამაკავშირებელ მთავარ გზაზე სამივე ავტოსანტრასპორტო საშუალება ცეცხლმოკიდებული იყო.

ბრიტანული გამოცემის ინფორმაციით, ავღანეთში გზების ცუდი მდგომარეობის გამო ასეთი შემთხვევები ხშირია.

BBC-ის რეპორტიორი კაბულში ამბობს, რომ ავღანეთში მძღოლებს გადაჭარბებული სიჩქარისკენ აქვთ მიდრეკილება და  მოძრაობის წესებს იშვიათად იცავენ.

შემთხვევის ადგილას ახლოს მყოფი ადამიანები დაშავებულების გადასარჩენად მივიდნენ © BBC

შემთხვევის ადგილას ახლოს მყოფი ადამიანები დაშავებულების გადასარჩენად მივიდნენ © BBC

Associated Press-ის ცნობით, პროვინციის სატრანსპორტო დეპარტამენტის დირექტორმა, მუჰამედულა აჰმადმა განაცხადა, რომ შეჯახება გამოიწვია მანქანის გაუფრთხილებელმა მართვამ.

მისი თქმით, სახანძრო-სამაშველო სამსახურის თანამშრომლებს შემთხვევის ადგილიდან დაშავებულების გამოყვანაში ადგილობრივი მაცხოვრებლები ეხმარებოდნენ.

AFP-ის ავღანეთის ჯანდაცვის სამინისტროს წარმომადგენელმა, ისმაილ კავასიმ განუცხადა, რომ ავტოსაგზაო შემთხვევის შედეგად გარდაცვლილ ადამიანთა ცხედრები მთლიანად დაიწვა.

EFE-ის ინფორმაციით, ავტოსაგზაო შემთხვევა და აფეთქება, ადგილობრივი დროით დაახლოებით 06:30 საათზე მოხდა.

შემთხვევის ადგილი რუკაზე © BBC

შემთხვევის ადგილი რუკაზე © BBC

მასალების გადაბეჭდვის წესი