სპორტისა და ახალგაზრდობის სამინისტროს ცნობით, ქართველმა ბერძნულ-რომაული სტილით მოჭიდავეებმა, რობერტ კობლიაშვილმა (85) და იაკობ ქაჯაიამ ( 130) 2016 წლის ოლიმპიადის ლიცენზია მოიპოვეს.
რობერტ კობლიაშვილმა ფინალისკენ მიმავალ გზაზე ჯერ ლიტველი ლაიმუტის ადომაიტისი 4-1, ბრაზილიელ ბრანდაო სანტიაგო 8-0, ხოლო ნახევარფინალში ყაზახი დანიალ გაჯიევი 2-1 დაამარცხა.
იაკობ ქაჯაიამ კი პირველი ორი მეტოქე ტუნისელი ჩები და ბერძენი კოუტსიოუმპასი ერთნაირი ანგარიშით – 8:0 გაანადგურა. ნახევარფინალში ქართველმა სპორტსმენმა უნგრელი მიჰალი დიკ ბარდოში 2:11 წუთში 9:0 დაამარცხა.
ამ დროისთვის საქართველოს ოლიმპიურ გუნდს 32 ლიცენზია აქვს მოპოვებული:
- ძიუდო – 7
- თავისუფალი ჭიდაობა – 6
- ძალოსნობა – 4
- ბერძნულ-რომაული ჭიდაობა – 5
- მშვილდოსნობა – 3
- ტყვიით სროლა – 2
- მხატვრული ტანვარჯიში – 1
- მძლეოსნობა – 1
- ბატუტზე ხტომა – 1
- ფარიკაობა – 1
- ცურვა – 1
