სტუდენტმა ირაკლი კუპრაძემ ზეწოლის შესახებ განცხადება ჯერ კიდევ მარტის დასაწყისში გააკეთა. როგორც მან ნეტგაზეთს 8 მარტს განუცხადა, რეგიონში მის სახლში (სადაც იგი ამჟამად არ ცხოვრობს), სავარაუდოდ, ძალოვანი უწყებების ორი თანამშრომელი მივიდა და მისი, ასევე, ოჯახის წევრების შესახებ “ყველა ტიპის” ინფორმაცია მოითხოვა. კუპრაძე ნეტგაზეთთან საუბარში ამ ფაქტს მასზე ზეწოლად აფასებს.
როგორც კუპრაძემ ნეტგაზეთს განუცხადა, ზემოხსენებული პირები მისი ოჯახის ერთ-ერთ წევრს ესაუბრნენ და უთხრეს, რომ ძალოვანი უწყების წარმომადგენლები იყვნენ, თუმცა კონკრეტული სამსახური არ დაუსახელებიათ. კუპრაძე ვარაუდობდა, რომ საუბარია უშიშროების ან პოლიციის წარმომადგენლებზე. ამ საკითხის გაკრვევაში სახალხო დამცველიც ჩაერთო, რომელმაც საგამოძიებო უწყებებიდან გარკვეული ტიპის ინფორმაცია გამოითოვა.