ახალი ამბები

ძიუდოისტი ვაჟა მარგველაშვილი ევროპის ჩემპიონი გახდა

21 აპრილი, 2016 • 1892
ძიუდოისტი ვაჟა მარგველაშვილი ევროპის ჩემპიონი გახდა

რუსეთის ქალაქ ყაზანში მიმდინარე ევროპის ჩემპიონატზე ძიუდოში საქართველოს ეროვნული ნაკრების წევრი 66 კგ. წონით კატეგორიაში – ვაჟა მარგველაშვილი ევროპის ჩემპიონი გახდა.

სპორტისა და ახალგაზრდობის საქმეთა სამინისტროს ცნობით, ვაჟა მარგველაშვილმა ფინალურ შეხვედრაში დიდი ბრიტანეთის წარმომადგენელი კოლინ ოუტსი იპონოთ დაამარცხა და 66 კილოგრამში კონტინეტის საუკეთესო ძიუდოისტის ტიტული მოიპოვა.

ფინალურ დაპირისპირებამდე მარგველაშვილმა 1/2 ფინალში ბელარუს დიმიტრი შერჟანს სძლია, 1/4 ფინალში მოქმედი ოლიმპიური ჩემპიონი რუსეთიდან არსენ გალსტიანი დაამარცხა, წინასწარ შეხვედრებში კი თურქი სინან სანდალი და პორტუგალიელი ანდრე სუარეში ჩამოიცილა გზიდან.

სამინისტროს ინფორმაციითვე, 22 წლის ვაჟა მარგველაშვილმა 25-27 მარტს თბილისში გამართული გრან პრი მოიგო, ევროპის ჩემპიონი კი კარიერაში პირველად გახდა.

მასალების გადაბეჭდვის წესი