საქართველოს პრეზიდენტმა გიორგი მარგველაშვილმა კვიპროსში საქართველოს სრულუფლებიანი და საგანგებო ელჩი დანიშნა.
დანიშვნის შესახებ საქართველოს პრეზიდენტმა შესაბამისი განკარგულება 25 მარტს გამოსცა, რომლის თანახმად, კვიპროსში საქართველოს საგანგებო და სრულუფლებიან ელჩად რევაზ ლომინაძე დაინიშნა.
პრეზიდენტის ადმინისტრაციის ცნობით, გიორგი მარგველაშვილი რევაზ ლომინაძეს 25 მარტს შეხვდა და მასთან საქართველოსა და კვიპროსის რესპუბლიკას შორის თანამშრომლობის გაღრმავების პერსპექტივები განიხილა.
