საქართველოს მორაგბეთა ნაკრებმა თბილისში, დინამო არენაზე რუმინეთი 38:9 დაამარცხა. საქართველოს ნაკრებმა თამაშის განმავლობაში 6 ლელო დადო, რუმინეთმა კი ქულების მოგროვება საჯარიმო დარტყმების მეშვეობით მოახერხა.
საქართველოს ნაკრებს მსოფლიო ჩემპიონატზე თამაში გარანტირებული აქვს. რუმინეთი კი ერთა თასზე ქულებისთვის იბრძვის.
საქართველომ დღეს რუმინეთს ურთიერთშეხვედრებში სარეკორდო ანგარიშით სძლია, რადგან აქამდე ყველაზე დიდი სხვაობით 25:9-ით ჰქონდა მოგებული. ამ გამარჯვებით საქართველოს ნაკრებმა ანთიმოზ ივერიელის სახელობის თასი მოიპოვა, რომელიც მხოლოდ საქართველოსა და რუმინეთს შორის თამაშდება და გამარჯვებულს გადაეცემა. საქართველოს დღესვე გადაეცა რაგბში ევროპის გამარჯვებულის თასი.