მზია ამაღლობელს, რომელიც 163 დღეა უკანონო პატიმრობაშია, მხედველობა მკვეთრად დაუქვეითდა.
„ვივამედში“ ჩატარებული კვლევის შედეგები მზია ამაღლობელის ადვოკატმა, მაია მწარიაშვილმა დღევანდელ სასამართლო პროცესზე გაასაჯაროვა.
„ვივამედში“ 6 თებერვალს ჩატარებული კვლევის თანახმად, მზია ამაღლობელს მარჯვენა თვალზე შეუმცირდა მხედველობა და 10%-მდე ჩამოვიდა.
სათვალით კორექციის შემთხვევაში შეიძლება გაიზარდოს მხოლოდ 40 %-მდე. მაშინ, როდესაც დაკავებამდე, ფორმა 100-ის მიხედვით, სათვალის შემთხვევაში ჰქონდა შანსი, რომ 90 %-მდე გაზრდილიყო.
ახლა ამის შანსი აღარ აქვს. ხოლო მარცხენა თვალში მისი მხედველობა გახლავთ 0,04 %. შესაბამისად, მზია ამაღლობელის მარცხენა თვალის გარჩევადობა ფაქტობრივად სინათლე-სიბნელის ტოლია“, – თქვა 23 ივნისს გამართულ სასამართლოს ხდომაზე მზია ამაღლობელის ადვოკატმა, მაია მწარიაშვილმა.
ფორმა 100-ის მიხედვით, რომელიც მზია ამაღლობელის სასჯელაღსრულების დაწესებულებაში მოთავსებამდეა გაცემული, მზია ამაღლობელი მარჯვენა თვალიდან ხედავდა 30%-ს (სათვალით შეეძლო 90%-მდე გაეუმჯობესებინა), მარცხენა თვალით კი ხედავდა 2%-ს (სათვალით შეიძლებოდა გაუმჯობესებულიყო 8%-მდე).
ადვოკატის მიერ დღეს გავრცელებული ახალი ფორმა 100-ის თანახმად, მარცხენა თვალიდან მზია ამაღლობელი პრაქტიკულად ვეღარ ხედავს.
