ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

რესპუბლიკელმა კონგრესმენმა, ჯო უილსონმა გამოაქვეყნა იმ პირთა სია, რომლებიც, მისი აზრით, დასანქცირდებიან ე.წ. მეგობარი აქტის ძალაში შესვლის შემდეგ. სიაში არიან “ქართული ოცნების” ლიდერები, მთავრობისა და პარლამენტის წევრები, მოსამართლეები და სხვადასხვა სახელმწიფო უწყების ხელმძღვანელი პირები. ასევე, “ქართულ ოცნებასთან” დაახლოებული პირები და პროსახელისუფლებო და პროპაგანდისტული მედიების წარმომადგენლები.

მართალია, ეს არ არის საბოლოო და დაზუსტებული სია, მაგრამ უილსონი, რომელიც კანონპროექტის ერთ-ერთი ინიციატორი და ავტორია, ჩამოთვლილ ადამიანებს ბიძინა ივანიშვილის რეჟიმის საყრდენებს უწოდებს და ამბობს, რომ ისინი უნდა გაფრთხილდნენ.

დოკუმენტის მიხევდით, ჩამოთვლილი პირები ეხმარებიან ბიძინა ივანიშვილს – ის ოლიგარქად და საქართველოს ჩრდილოვან მმართველად არის მოხსენიებული – ქართული სახელმწიფოს მიტაცებასა და ქვეყნის ჩინეთის, ირანისა და რუსეთის სამსახურში ჩაყენებაში.

აღმასრულებელი და სამართალდამცავი სტრუქტურები:
  • ირაკლი კობახიძე;
  • კახა კალაძე;
  • ირაკლი ღარიბაშვილი;
  • ვახტანგ გომელაური;
  • ანრი ოხანაშვილი;
  • პაატა სალია;
  • მაკა ბოჭორიშვილი;
  • სულხან თამაზაშვილი
საკანონმდებლო ორგანო:
  • შალვა პაპუაშვილი;
  • ნინო წილოსანი;
  • მამუკა მდინარაძე;
  • ვიქტორ ჯაფარიძე;
  • დიმიტრი სამხარაძე;
  • თეა წულუკიანი
მოსამართლეები:
  • მიხეილ ჩინჩალაძე;
  • ლევან მურუსიძე;
  • დიმიტრი გვრიტიშვილი;
  • გიორგი მიქაუტაძე;
  • ლევან თევზაძე;
  • ირაკლი შენგელია;
  • რევაზ ნადარაია
საკვანძო სახელმწიფო სტრუქტურები:
  • გიორგი გაბიტაშვილი – გენერალური პროკურორი;
  • კარლო კაციტაძე – სპეციალური საგამოძიებო სამსახურის ხელმძღვანელი;
  • გიორგი კალანდარიშვილი – ცესკოს თავმჯდომარე;
  • გიორგი ჯავახიშვილი – ცესკოს მდივანი;
  • რაჟდენ კუპრაშვილი – ანტიკორუფციული ბიუროს ხელმძღვანელი;
  • ნათია თურნავა – სებ-ის პრეზიდენტი
ბიზნესი:
  • უჩა მამაცაშვილი;
  • ივანე ჩხარტიშვილი;
  • ალექსანდრე ივანიშვილი;
  • ოთარ რომანოვ-ფარცხალაძე;
  • ნოშრევან ნამორაძე
პროპაგანდისტები:
  • ირაკლი რუხაძე – მთავარი პროპაგანდისტული არხის, იმედის მფლობელი;
  • ლაშა ნაცვლიშვილი – პროპაგანდისტული POS TV-ის დამფუძნებელი;
  • ვასილ მაღლაფერიძე – საზმაუს სამეთვალყურეო საბჭოს თავმჯდომარე;
  • თინათინ ბერძენიშვილი – საზოგადოებრივი მაუწყებლის დირექტორი;
  • კახა ბექაური – კომუნიკაციების კომისიის თავმჯდომარე”

 

“მეგობარ აქტი” მიიღო წარმომადგენელთა პალატამ და ეს შეტყობინებად უნდა მიიღოს აშშ-ის მოძულე ივანიშვილის მაფიოზური კაბალის ყველა ხელშემწყობმა. მხარი დაუჭირეთ თავისუფალ და სამართლიან არჩევნებს, ან მიიღებთ შედეგებს”, – წერს უილსონი სოციალურ ქსელში.

ამავე თემაზე:

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.