კესარია აბრამიძის მკვლელობაში ბრალდებულ ბექა ჯაიანს უვადო პატიმრობა მიუსაჯეს.
გადაწყვეტილება დღეს გამოცხადდა.
2024 წლის 18 სექტემბერს საკუთარ სახლში მოკლული იპოვეს ტრანსგენდერი ქალი, კესარია აბრამიძე.პოლიციამ მეორე დღესვე დააკავა 26 წლის ბექა ჯაიანი, რომელსაც ბრალდება გენდერის ნიშნით, განსაკუთრებული სისასტიკით ჩადენილ განზრახ მკვლელობას ედავებოდა.
გადაწყვეტილება მოსამართლე ნინო გალუსტაშვილმა მიიღო. დაცვის მხარე განაჩენის გასაჩივრებას აპირებს.
მოსამართლემ ჯაიანი ყველა წარდგენილ ბრალში ცნო დამნაშავედ. მათ შორის იმაში, რომ ჯაიანმა მკვლელობა ჩაიდინა განსაკუთრებული სისასტიკით და გენდერის ნიშნით.
