ნეტგაზეთი | რაჭაში მდინარის კალაპოტის სრულად გაწმენდა ვერ მოასწრეს რაჭაში მდინარის კალაპოტის სრულად გაწმენდა ვერ მოასწრეს – Netgazeti
RU | GE  

რაჭაში მდინარის კალაპოტის სრულად გაწმენდა ვერ მოასწრეს

„მდინარე ბდღვიორას ხევის კალაპოტი უფრო გამტარუნარიანი რომ ყოფილიყო, ამდენი რაოდენობის ლაფი მდინარის კალაპოტიდან არ გადავიდოდა,“- ამბობს ომარ აბუთიძე, გეოლოგი საქართველოს ეროვნული სააგენტოდან.

B001 by netgazeti.ge

„მდინარე ბდღვიორას ხევის კალაპოტი უფრო გამტარუნარიანი რომ ყოფილიყო, ამდენი რაოდენობის ლაფი მდინარის კალაპოტიდან არ გადავიდოდა,“- ამბობს ომარ აბუთიძე, გეოლოგი საქართველოს ეროვნული სააგენტოდან.

საქართველოს ეროვნული სააგენტო ყოველი წლის ბოლოს აქვეყნებს ანგარიშს, რომელშიც მეწყერსაშიში ზონებია აღწერილი. დოკუმენტით სააგენტო ადგილობრივ მუნიციპალიტეტებს  მოსალოდნელი საშიშროებების შესახებ აფრთხილებს, რათა მათ დროულად მიიღონ ზომები ბუნებრივი კატასტროფით გამოწვეული მოსალოდნელი ზიანის შესამცირებლად.

რაჭაში მდინარის კალაპოტის გამწმენდი სამუშაოები ადგილობრივ მუნიციპალიტეტს უნდა შეესრულებინა. როგორც აბუთიძე ამბობს, მუნიციპალიტეტმა სამუშაოები წამოიწყო კიდეც, თუმცა, მაისის თვეში „ანომალურად დიდი“ რაოდენობის ნალექების მოსვლის გამო, მდინარის სათავიდან მოსული ლაფის მასა მაინც გადავიდა კალაპოტიდან.

ამ წუთისთვის, ომარ აბუთიძე სხვა გეოლოგებთან ერთად, მდინარე ბდღვიორას სათავისკენ მიემართება და სამოქმედო სტრატეგიის შემუშავებას აპირებს. აბუთიძის თქმით, ამჟამად რაჭაში არ წვიმს, თუმცა, სინოპტიკოსები წვიმას დღის მეორე ნახევრიდან ელოდებიან.

B001 by netgazeti.ge

ამავე თემაზე:

რაჭის საკურორტო ზონაში სტიქია მძვინვარებს

ნეტგაზეთის მასალების სხვა გამოცემებში გადაბეჭდვის წესი
ცირა გვასალია