საქართველოს შინაგან საქმეთა სამინისტროს ინფორმაციით, მიმდინარე წელს საქართველოში შემოვიდა და რჩება რუსეთის 112 733 მოქალაქე.
ეს საქართველოს მოსახლეობის 3,05%-ია.
რუსეთის, უკრაინისა და ბელარუსის მოქალაქეთა რაოდენობა, რომლებიც მიმდინარე წლის პირველი იანვრიდან 30 სექტემბრის ჩათვლით შემოვდნენ და 3 ოქტომბრის მდგომარეობით იმყოფებიან საქართველოს ტერიტორიაზე, შინაგან საქმეთა სამინისტრომ პარლამენტს დეპუტატ ლევან ქარუმიძის კითხვის პასუხად მიაწოდა.
ოფიციალური ინფორმაციით, მიმდინარე წელს ქვეყანაში შემოსულთაგან საქართველოში რუსეთის 4-ჯერ მეტი მოქალაქე რჩება, ვიდრე — უკრაინის.
შინაგან საქმეთა სამინისტროს თანახმად, აღნიშნული სტატისტიკის საშუალო ცდომილების ზღვარი +/-2,4%-ია.