კორონავირუსის ყოველდღიური შემთხვევები ბოლო ერთი თვის განმავლობაში დაახლოებით 5-ჯერ გაიზარდა.
დაავადებათა კონტროლის ეროვნული ცენტრის ინფორმაციით:
- 6 ივნისიდან 12 ივნისის ჩათვლით საქართველოში კორონავირუსის 515 შემთხვევა იყო დაფიქსირებული,
- 27 ივნისიდან 3 ივლისის პერიოდში კი კორონავირუსი 2 570 ადამიანს დაუდასტურდა.
ამასთან, გაზრდილია დადებითობის მაჩვენებელიც. მაგალითისთვის, 6-12 ივნისის კვირაში 7 დღის დადებითობის მაჩვენებელი 0.51% იყო, გასულ კვირაში კი ეს რიცხვი 4.05%-მდე გაიზარდა. გაიზარდა აქტიური შემთხვევების რაოდენობაც, თუმცა არ გაზრდილა სიკვდილიანობის მაჩვენებელი. გასულ კვირაში კორონავირუსს 3 ადამიანი ემსხვერპლა, ისევე როგორც 6-12 ივნისის კვირაში.
ბოლო 24 საათში კი კორონავირუსი 51 ადამიანს დაუდასტურდა, 1 პაციენტი გარდაიცვალა.
დღიურმა დადებითობის მაჩვენებელმა 1.1% შეადგინა.
ამ დროის მონაცემებით, საქართველოში სულ ჩატარებულია 2 902 085 აცრა. მათ შორის სრულად აცრილია 1 270 848 ადამიანი.
გრაფიკა: დაავადებათა კონტროლის ეროვნული ცენტრი
გრაფიკა: დაავადებათა კონტროლის ეროვნული ცენტრი
გრაფიკა: დაავადებათა კონტროლის ეროვნული ცენტრი
