რადიო თავისუფლების პრაღის ბიუროს რედაქტორის, რიკარდ იოზვიაკის თანახმად, ევროპარლამენტის პოლიტიკური ჯგუფების ლიდერები საერთო განცხადებას ხუთშაბათს გამოაქვეყნებენ, სადაც საქართველოსთვის, უკრაინისა და მოლდოვისთვის ევროკავშირის კანდიდატი ქვეყნის სტატუსის მინიჭებას დაუჭერენ მხარს.
მისივე განცხადებით, ევროპარლამენტი არ მონაწილეობს კანდიდატი წევრის სტატუსის მინიჭების პროცესში და ამ სამ ქვეყანას მაქსიმუმ უნდა ჰქონდეს პირობებიანი კანდიდატის სტატუსის მიღების იმედი.
იოზვიაკი „ტვიტერის“ საშუალებით განცხადების ტექსტს ავრცელებს, თუმცა აცხადებს, რომ ტექსტი საბოლოო არ არის და შეიძლება, შეიცვალოს.
draft statement by the EP’s group leaders asking for candidate status for #Ukraine #Moldova & #Georgia. likely passed on Thu but text can still change. EP doesn’t have a say on this & likely that the most any of the 3 can hope for later in june is conditional candidate status pic.twitter.com/VGA5mbNSQx
— Rikard Jozwiak (@RikardJozwiak) June 7, 2022
„ჩვენ უნდა გამოვიჩინოთ გამბედაობა… გეოპოლიტიკური ფილების ცვლილება მოითხოვს ჩვენი მხრიდან მოქმედებას. ამით ჩვენ ვიქნებით ჩვენი პრინციპებისა და ღირებულებების ერთგულნი. უკრაინელები, რომელთა სამშობლო სასტიკი თავდასხმის ქვეშაა, მაგრამ ასევე მოლდოველები და ქართველები, რომლებიც ეძებენ ნათელ მომავალს, ელიან სიგნალს, რომ მათი ადგილი ევროპულ ოჯახშია“, – წერია ტექსტში, რომელიც იოზვიაკმა გაავრცელა.
ივნისის პირველ ნახევარში ევროკომისია საქართველოსთვის, მოლდოვისა და უკრაინისთვის ევროკავშირის წევრობის კანდიდატის სტატუსის მინიჭებასთან დაკავშირებით მოსაზრების დოკუმენტს წარადგენს, რომელზე დაყრდნობითაც მოგვიანებით გადაწყვეტილებას ევროპული საბჭო მიიღებს.
ნეტგაზეთი გთავაზობთ იმ სცენარებს, რომელთაც, შესაძლოა, მოსაზრების დოკუმენტი საქართველოს შესახებ შეიცავდეს:
