რუსეთი ადასტურებს კრეისერ Moskva-ზე ხანძარს. ამის შესახებ წერს სამთავრობო RIA რუსეთის თავდაცვის სამინისტროზე დაყრდნობით.
„ხანძრის შედეგად სარაკეტო კრეისერ Moskva-ზე აფეთქდა სამხედრო მარაგი. ხომალდი ხანძრის გამო სერიოზულად დაზიანდა“, – ნათქვამია რუსეთის თავდაცვის სამინისტროს კომენტარში.
ამასთანავე, უწყება ამბობს, რომ კრეისერის ეკიპაჟი ევაკუირებულია, ხოლო ხანძრის მიზეზს ადგენენ.
13 აპრილს უკრაინულმა მედიამ დაწერა, რომ შავ ზღვაში რუსულ სარაკეტო კრეისერ Moskva-ს მოხვდა უკრაინული წარმოების ნეპტუნის რაკეტები, რის გამოც მას ცეცხლი უკიდია.
აღნიშნული გემი 2008 წელს მონაწილეობდა რუსეთის მიერ საქართველოს წინააღმდეგ განხორციელებულ აგრესიაში. ასევე, სირიისა და ყირიმის ანექსიის კამპანიებშიც.
ვრცლად:
რას წარმოადგენს კრეისერი „Moskva“, რომელიც უკრაინული მედიის თანახმად იწვის
