სამართალი

ზუგდიდში მოზარდის მკვლელობის საქმეზე არასრულწლოვანი დააკავეს

21 ნოემბერი, 2022 • 1012
ზუგდიდში მოზარდის მკვლელობის საქმეზე არასრულწლოვანი დააკავეს

ზუგდიდში მოზარდის მკვლელობის საქმეზე დაკავებულია ერთი არასრულწლოვანი, 2005 წელს დაბადებული ე.ც.

შსს-ს გამოძიების ვერსიით, ბრალდებულმა ზუგდიდში, ურთიერთშელაპარაკების ნიადაგზე, ცივი იარაღით სხეულზე რამდენიმე ჭრილობა მიაყენა არასრულწლოვანს — 2007 წელს დაბადებულ ს.მ.-ს, რომელიც საავადმყოფოში მიყვანამდე გარდაიცვალა.

გამოძიება სისხლის სამართლის კოდექსის 109-ე მუხლის ე ქვეპუნქტით მიმდინარეობს, რაც წინასწარი შეცნობით, არასრულწლოვნის მიმართ დამამძიმებელ გარემოებაში ჩადენილ განზრახ მკვლელობას გულისხმობს.

გუშინ, 20 ნოემბერს, ზუგდიდში, მესხიას ქუჩაზე მდებარე მინისტადიონზე არასრულწლოვანი ცივი იარაღით დაჭრეს, ის საავადმყოფოში გადაყვანამდე გარდაიცვალა. ადგილობრივი მედიების ინფორმაციით, ინციდენტი მინისტადიონზე მოხდა, მკვლელობა თანატოლებს შორის ურთიერთშელაპარაკებას მოჰყვა და ჩხუბში რამდენიმე ადამიანი მონაწილეობდა.

ზუგდიდში მოზარდი მოკლეს

მასალების გადაბეჭდვის წესი