ფრანგული მანქანების მწარმოებელმა კომპანიამ, “PSA Peugeot Citroen”-მა 2010 წელს საკუთარი გაყიდვების რეკორდი დაამყარა და 3.6 მილიონი ავტომობილი გაყიდა.
კომპანიის აღმასრულებელი დირექტორის, ფილიპ ვარინის განცხადებით, ეკონომიკური კლიმატი მათთვის იმაზე უკეთესი აღმოჩნდა, ვიდრე ელოდნენ. კომპანიის გაყიდვები დაახლოებით 13%-ით გაიზარდა, მიუხედავად იმისა, რომ ევროპაში მანქანების გაყიდვებმა ჯამში 5 %-ით დაიკლო.
ექსპერტები ვარაუდობენ, რომ აღნიშნული მარკის მანქანების გაყიდვების დონე 2011 წელსაც მოიმატებს.