აღნიშნულ ინფორმაციას არასამთავრობო ორგანიზაცია “მოქალაქე” ფეისბუკის გვერდზე ავრცელებს.
საქართველოს ფინანსთა სამინისტროს ინფორმაციით, თბილისის 13-14 ივნისის სტიქიით დაზარალებულთა დასახმარებლად განკუთვნილ ანგარიშებზე ბოლო მონაცემებით 22 962 736 ლარი; 253 186 აშშ დოლარი, 18 751 ევროა ჩარიცხული.
აგარიშებზე თანხა ფიზიკურმა პირებმა, ბიზნესკომპანიებმა და სახელმწიფო უწყებებმა ჩარიცხეს.
თბილისის 13-14 ივნისის სტიქიის შედეგად გარდაცვლილია 19 ადამიანი, საიდანაც 18 უკვე იდენტიფიცირებულია. 3 ადამიანი დაკარგულად ითვლება. სტიქიის შედეგად დაზიანდა თბილისის ზოოპარკიც.
ოფიციალური ინფორმაციით, სტიქიის შედეგად მიყენებული მატერიალური ზარალის ოდენობა, ჯამში, 100 მილიონ ლარს აჭარბებს.