ოპერის თეატრის ხელმძღვანელი თანამდებობას დროებით ინარჩუნებს

ოპერის თეატრის დასის წევრები დღეს კულტურის სამინისტროსთან შეიკრიბნენ დავით საყვარელიძის გათავისუფლებისა და სახელმწიფოს მხრიდან ოპერის თეატრის ხელმძღვანელის დანიშვნის განზრახვის გასაპროტესტებლად. კულტურის მინისტრის მოადგილე მანანა ბერიკაშვილთან შეხვედრაზე, რომელსაც ორივე მხარე დადებითად აფასებს, გადაწყდა შეიქმნას სამუშაო ჯგუფი, რომელიც უფრო ღრმად გაერკვევა თეატრის პრობლემებში. მანამდე კი დასმა სიტყვიერი დაპირება მიიღო, რომ დავით საყვარელიძის განცხადება დაკმაყოფილებული ჯერ არ იქნება და სამუშაო ჯგუფის შექმნამდე დავით საყვარელიძე თანამდებობას შეინარჩუნებს.