ფილმში მოთხრობილია 2013 წლის განმავლობაში დაპატიმრებული 11 მოხელის შესახებ, რომელთა საქმეშიც ერთი და იგივე მოწმე ფიგურირებს. დაკავებულთა საქმეების ნაწილში ერთი და იგივე პროკურორები და მოსამართლე ფიგურირებენ, რომლებმაც იციან პროფესიონალი მოწმის – რუსლან მამედოვის შესახებ, თუმცა, მიუხედავად ამისა, ბრალდება გამამტყუნებელ განაჩენს ითხოვს, რასაც მოსამართლე ამტკიცებს. თერთმეტივე პირი ფინანსთა სამინისტროს საგამოძიებო სამსახურმა დააკავა.