ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

უკრაინამ დაადასტურა სოჭის მახლობლად, შავ ზღვაში ტანკერზე თავდასხმა. პრეზიდენტმა ვოლოდიმირ ზელენსკიმ დაწერა:
„ამ დღე-ღამის განმავლობაში ჩვენმა მებრძოლებმა დაარტყეს ოთხ სამიზნეს, რომლებიც რუსეთს მისი სასტიკი ომის დაფინანსებასა და წარმოებაში ეხმარება“.
ამ სამიზნეებს შორის მან დაასახელა ორი ნავთობობიექტი და პოლიგონი პერმის მხარეში, სამარისა და ასტრახანის ოლქებში.
„ასევე არის პასუხი შავ ზღვაშიც“, – დაწერა უკრაინის პრეზიდენტმა, თუმცა არ დააკონკრეტა, ზუსტად რა სამიზნეზე იყო საუბარი. მიუხედავად ამისა, გამოქვეყნებულ განცხადებას თან ახლავს კადრები, რომლებიც გუშინ გავრცელდა სოჭის სანაპიროდან.

6 ოქტომბერს სოციალურ ქსელებში გავრცელდა კადრები სოჭის სანაპიროდან, ვიდეოებში ჩანდა ზღვაში ცეცხლმოკიდებული ტანკერი.
რუსეთის ტრანსპორტის სამინისტრომ განაცხადა, რომ სოჭის სანაპიროსთან უეკიპაჟო კატარღებმა ლიბერიის დროშის ქვეშ მცურავ ნავთობტანკერ Aframax Rio-ს შეუტიეს. ხელისუფლების მტკიცებით, ეკიპაჟის გადარჩენა მოხერხდა.
ტანკერი Aframax Rio უკრაინის მიერაა სანქცირებული.
დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.